Me kërkesë të Avokatit të Popullit të Kosovës, Komiteti për të Drejtat e Njeriut i Odës së Avokatëve të Anglisë dhe Uellsit ka publikuar raportin, që paraqet një vlerësim paraprak të Dhomave të Specializuara të Kosovës. Sipas raportit natyra sui generis të gjykatës është kontradiktore, formalisht ajo është një institucion vendor i krijuar sipas ligjit të Kosovës, por i përbërë nga gjyqtarë ndërkombëtarë, i financuar dhe i ndikuar nga aktorë ndërkombëtarë, dhe me seli në Hagë. Kjo natyrë e gjykatës, thekson raporti, në disa aspekte krijon sfida dhe polemika, sidomos në lidhje me legjitimitetin përfshirë të drejtat e të akuzuarve, pavarësinë gjyqësore, llogaridhënien, barazinë e armëve dhe raportin ndërmjet standardeve ndërkombëtare. Raporti nënvizon fokusin e ngushtë të Dhomave të Specializuara ndaj ish-udhëheqësve të UÇK-së. Sipas tij, përbërja ndërkombëtare e trupit gjykues, mbështetja në mekanizma të jashtëm financimi dhe emërimet, ngrenë pyetje për pavarësinë dhe paanshmërinë e institucionit. Raporti konstaton aspektin juridik të gjykatës me atë në funksionimin e saj praktik. Në dokument përfshihen pengesa strukturore për lirimin e përkohshëm mangësi në mekanizmat për kundërshtimin e emërimeve gjyqësore dhe vendimeve administrative dhe pabarazi në prova, të cilat sipas raportit ndikojnë mbrojtjen. NË dokument paraqiten rekomandime për forcimin e drejtësisë, transparencës dhe legjitimitetit institucional të DhSK-së.