Fushata elektorale në këtë kohë pandemie ka kushtëzuar partitë politike për të realizuar takime masive dhe mbushur sheshet. Të gjendur përballë kësaj situate, kryesocialisti Edi Rama ka gjetur një metodë tjetër komunikimi në media, duke folur në telefon nga makina me shefat e shtabeve të qarqeve, për t’u njohur me situatën zgjedhore dhe përgatitjet për fushatën. Një metodë ndryshe, kur jemi mësuar që liderët e politikës të shfaqen në udhëtimet me makina, duke iu kthyer përgjigje komentuesve në rrjetet sociale, por jo që të transmentohen drejtperdrejte bisedat telefonike mes tyre. Keshtu zgjodhi kreu i qeverise, te ndante on line me ndjekesit ne rrjetin e tij social, biseden me Damian Gjiknurin dhe Niko Peleshin. Në bisedë u pa që nuk mungonin as batutat me shprehjet që dikur përbënin edhe betejën e ashpër mes mazhorancës dhe opozitës, siç ishte ajo e përgjimeve me zgjedhjet e Dibrës. Se çfarë impakti ka një formë e tillë komunikimi dhe se kush nga ekspertët e fushatave zgjedhore ia kanë sugjeruar Ramës, është pikëpyetje.