Rreth 18 minatorë të “Trepçës” vijojnë të jenë të mbyllur në minierë, ka bërë me dije kryetari i Sindikatës, Ibrahim Jonuzi, si pasojë e problemeve me energjinë elektrike. Sipas tij, prej 40 minatorëve, një pjesë prej tyre kanë arritur të dalin në këmbë, ndërsa 18 vijojnë të jenë brenda minierës, ata të cilët kanë qenë më të dobët nga ana fizike dhe shëndetësore. Kryetari i Sindikatës shtoi se gjendja e përgjithshme e minatorëve është e mire dhe se vijon komunikimi me ta, por sa më shumë kohë kalon, situate brenda vijon të rëndohet. Ai tha se minatorët kanë nevojë për furnizime, ushqim, ujë, sepse janë në rezerva të fundit.