Presidenti i Kroacisë, Zoran Millanovic ka hedhur poshtë shkrimet e mediave në Serbi se gjoja ai i ka ofruar garanci Hagës për të mundësuar mbrojtjen në liri të ish-presidentit të Kosovës, Hashim Thaçi. Ky i fundit po akuzohet për krime lufte dhe krime kundër njerëzimit nga Dhomat e Specializuara dhe Zyra e Prokurorit të Specializuar. "Kjo është e pamundur, nuk mund të jap garanci të tillë sepse kjo nuk është kompetencë e imja”, tha Milanovic. Ai ka vlerësuar që aktakuza kundër Thaçit është mënyrë për të goditur rajonin.