Në qarkun e Durrësit është zhvilluar një nga betejat më të forta elektorale për zgjedhjet 25 prillit. Partia Socialiste arriti të siguronte 8 mandate deputetësh, ndërsa Partia Demokratike 6 mandate të tjera edhe pse pretendonte për 1 mandat më shumë. E humbura e madhe në këto zgjedhje në Durrës, ishte LSI që nuk arrti të merrte asnjë mandat edhe pse konsiderohej një nga zonat ku ajo kishte mbështetje të gjerë. Por duket se kalimi i Leftër Kokës në radhët e PS ku edhe kandidonte si deputet, i dobësoi ndjeshëm pozitat e LSI në këtë qark, dhe sidomos në qytetin e Durrësit. Ashpërsia e garës në terren në Durrës, është shoqëruar me akuza të forta sidomos nga opozita e cila ka akuzuar eksponentë të ps në Durrës, përfshirë edhe kreun e OSHEE Ardian çela se kanë hedhur miliona euro për të blerë votat e qytetarëve. Një prej këtyre reagimeve më të fundit ishte nga deputeti i spaozgjedhur i PD në durrës Oerd Bylykbashi, sipas të cilit qeveria shqiptare ka dhënë 40 milionë euro me qëllim blerjen e votave, ku mes qyteteve që ai renditi se kanë përfituar nga fondet në fjkale ishte edhe durrësit. “Vetëm gjate javës zgjedhore Bashkia e Durrësit ndau 6 milion euro për procesin e rindërtimit, 89 herë më shumë se sa ka shpërndarë në 15 muajt e fundit. Kodi elektoral e ndalon qeverinë të përfshihet në veprimtari të tilla të influencimit dhe orientimit të votës duke përdorur fondet publike gjatë 4 muajve të fundit përpara zgjedhjeve. Për këtë rast flagrant prokuroria nuk ka nisur ende asnjë hetim”, thuhet në deklaratën e Bylykbashit. Por bashkia e Durrësit i ka hedhur poshtë këto akuza në qëndrimet e saj, duke I quajtuar ato të pavërteta dhe të pabaza.