Një shtetas në kërkim policor nga Policia shqiptare për vrasje është kapur nga Policia Franceze dhe është ekstraduar drejt vendit tonë këtë të hënë. Bëhet fjalë për Bledar Mnerin 43-vjeç, I dënuar me 25 vite burg për një vrasje të ndodhur në vitin 2016. Ai u lokalizua dhe u arrestua pas bashkëpunimit të Policisë shqiptare me homologët francezë. Ky shtetas ishte shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Tiranë e ka dënuar me 25 vjet burgim, për veprat penale “Vrasja me paramendim” dhe “Mbajtja pa leje dhe prodhimi i armëve shpërthyese dhe i municionit”.