Një 46-vjeçar, i shpallur në kërkim ndërkombëtar nga Interpol Roma është arrestuar nga policia e Lezhës për llogari të drejtësisë italiane. Ky është një tjetër opereacion në vijim të operacioneve për kapjen e personave të shpallur në kërkim ndërkombëtar. Ndaj këtë të mërkurë është vënë në pranga një shtetas shqiptar i shpallur në kërkim ndërkombëtar, i dënuar nga autoritetet italiane me 11 vite e 7 muaj burgim, për disa vepra penale. Arrestimi provizor i tij u bë në bashkëpunim me Interpol Tirana, me qëllim ekstradimi drejt Italisë. Ai është Ermir Lekstakaj, i shpallur në kërkim ndërkombëtar nga Interpol Roma, pasi Gjykata e Firences e ka dënuar me burg për veprat penale “Trafikimi i lëndëve narkotike”, “Pjesëmarrje në grup kriminal “, “Plagosja”, “Rrëmbim personi” dhe “Kundërshtim i punonjësit të Policisë ” parashikuar nga Kodi Penal italian. Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.