Mobilizim dhe angazhim më të madh për të maksimizuar votën e Partisë Demokratike të Kosovës në zgjedhjet e 7 qershorit kërkon kandidati për deputet nga radhët e kësaj partie, Eman Rrahmani. Në një intervistë për KosovaPress, ai nënvizon se në këto zgjedhje gara bëhet për formimin e qeverisë nga partitë opozitare. Rrahmani: “Është e domosdoshme që të ketë angazhim, që rezultati zgjedhor t’ia mundësojë që të ketë qeveri të opozitës, për shkak se një qeverisje prej pothuajse gati shtatë viteve është e mjaftueshme me e pa pasqyrën çfarë lloj qeverisje është, dhe besoj që do t’i ndihmonte edhe vetë partisë në pushtet që të reflektojë, sepse opozita goxha të përmirëson.” Rrahmani akuzoi kryeministrin në detyrë, njëherësh liderin e LVV-së, Albin Kurti, se qëllimisht nuk bëri kompromis për zgjedhjen e presidentit.