Top News – Pas 17 vitesh arrati kapet ‘Doktori’/ Kush është shqiptari që drejtonte bandat kriminale

Shqiptari me pseudonimin “Doktori”është koka e grupit të organizuar shqiptaro-italian i kërkuar prej më shumë se 17 vite nga forcat ndërkombëtare. Emri i vërtetë i “Doktorit” është Ilir Meto, 56 vjeç, i dënuar fillimisht në 5 Prill të 2004 me 14 vite burgim me vendim të lëshuar nga Zyra e Prokurorit Publik në Gjykatën e Leçes. Që prej asaj date Ilir Meto ka qenë në arrati dhe në harkun kohor të 17 viteve ka kryer edhe vepra të tjera penale, për të cilat është dënuar në mungesë. Në vitin 2012 “Doktori” u dënua me 15 vite të tjera, për trafik lëndësh narkotike. Sipas burimeve italiane, si rezultat edhe i gjurmimit të kryer nga skuadra antimafja e qytetit Italian të Leçës, pas 17 vitesh në arrati Meto u arrestua në Saint-Josse, ku jetonte me gruan dhe fëmijët e tij. 56 vjeçari shqiptar, i cili ka qenë në krye të trafikut të armëve dhe bandës italo-shqiptare si dhe drejtues i grupit kriminal italo-maroken, u dorëzua tek autoritett italiane, teksa pritet të përballet me 29 vite vurg.