Policia e Tiranës ka parandaluar përshkallëzimin e një konflikti, që mund të kishte përfunduar me vrasjen e një çifti. Ngjarja e rëndë ka ndodhur në ndodhi në bulevardin “Migjeni”. 39-vjeçari Taulant Mekollari pas një konflikti me një tjetër person, ka tentuar që të shtyp me makinë këtë të fundit së bashku me bashkëshorten e tij. Sapo ka parë incidentin në fjalë dhe përshkallëzimin e situatës, efektivi i “Shqiponjave” është afruar dhe ka nxjerrë armën për të neutralizuar situatën.Në ndihmë të punonjësit të “Shqiponjave” kanë mbërritur më pas edhe shërbimet e Komisariatit të Policisë Nr. 6, të cilët kanë bërë të mundur prangosjen e Taultan Mekollari. Nga hetimet e kryera ka rezultuar se Taultan Mekollari fillimisht kishte debatuar me ciftin për motive të dobëta në rrugën “Besim Alla” dhe pas disa minutash, tek bulevardi “Migjeni” ishin konfliktuar përsëri me grushte me njëri-tjetrin. Pas konfliktit, Taulan Mekollari ka marrë mjetin e tij dhe ka tentuar dy herë të godiste me mjet ciftin, por pasi nuk ia ka arritur qëllimit, ka dëmtuar më pas makinën e tyre. Në përfundim të veprimeve u bë arrestimi në flagrancë i shtetasit Taulant Mekollari., 39 vjeç, për veprat penale “Vrasja” e mbetur në tentativë”, “Shkatërrim i pronës me dashje ‘’dhe’’ Plagosja e lehtë me dashje’’. Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore.