Një 39-vjeçar në Fier i cili po qarkullonte me automjetin e tij tip audi, iu nënshtrua kontrollit policor nga ku u gjetën dhe u sekuestruan 21 mijë e 390 euro, 1 milionë e 637 mijë lekë të rinj dhe 185 dollarë, para të cilat nuk vërtetoheshin me burim të ligjshëm. Burime zyrtare të policisë së Fierit thonë se ka dyshime të forta se 39-vjeçari i proceduar për pastrim parash, mund të jetë i përfshirë në aktivitete kriminale, ndaj hetimet për të do të vijojnë. Po këtë të shtunë, në Morinë një 31-vjeçari iu sekuestruan nga policia kufitare një shumë prej 14 mijë paundësh dhe 2600 euro, pasi nuk i kishte deklaruar sipas kuadrit ligjor.