Partia Demokratike e Kosovës ka refuzuar kthimin e Fatmir Limajt dhe garimin në listën e kësaj partie në zgjedhjet e 7 qershorit. Përmes një dalje për mediat, kreu I PDK, Bedri Hamza, ka treguar pas mbledhjes së kryesisë së partisë së tij, se Fatmir Limaj dhe Nisma Socialdemokrate, nuk do të jenë pjesë e listës garuese. Hamza tha se pret përkrahjen e Limajt dhe Nismës Socialdemokrate në zgjedhjet e 7 qershorit, duke theksuar se kjo përkrahje do të reflektojë në rritjen e votës për PDK-në I pyetur se a ka PDK-ja kandidatë për president, Bedri Hamza tha se pas zgjedhjeve do të dalin me qëndrime rreth kësaj pozite. Përsa I përket listës, kreu I PDK tha se do të ketë anëtarë të ri të cilët nuk kanë kandiduar asnjëherë për deputet. Ende asnjë subjekt politik nuk ka bërë publike listën përfundimtare për konditat për deputetë.