Finalizohet operacioni antidrogë i koduar “Porositësit” në Korçë, si rezultat i të cilit u bë e mundur vënia në pranga e 3 shtetasve, dy prej të cilëve posedues të sasisë dhe tjetri porositësi i saj. Mësohet se shërbimet e Komisariatit të Policisë Korçë, në bashkëpunim me specialistët për Hetimin e Narkotikëve në Drejtorinë Vendore të Policisë Korçë, në vijim të punës për parandalimin, evidentimin dhe goditjen e veprimtarisë së paligjshme të prodhimit dhe shitjes së lëndëve narkotike, kanë kapur dhe arrestuar në flagrancë 3 shtetas. Burimet zyrtare bëjnë me dije se janë sekuestruar 12 gram kokainë dhe 38 gram lëndë e dyshuar narkotike heroinë. Në bazë të informacioneve të siguruara në rrugë policore, shërbimet policore organizuan veprimet dhe bënë të mundur loalizimin e tyre në lagjen numër 10 në Korçë.