Një sulm izraelit nga ajri, të shtunën, rrafshoi një ndërtesë 13 katëshe, në të cilën gjendeshin edhe zyrat e Al Xhazirës dhe associated Press, në rripin Gazës. Izraeli shkatërroi kullën Jala në rripin e gazës ku gjendej zyra jonë”, shkroi Al Xhazira në një postim në tëitter me një gazetar të Asociated Press që tha se ushtria kishte paralajmëruar pronarin e kullës para goditjes. Gazetarët e AFP, në pika të ndryshme të Gazas, panë ndërtesën të shembej pas sulmit izraelit, duke ngritur një re të madhe hiri. Për zyrtarët izraelitë të mbrojtjes, në ndërtesë nuk gjendeshin vetëm zyrat e lajmeve, por edhe zyra të militantëve të Hamasit. Por Vael al Dahdouh, shefi i zyrës së al xhazirës në Jeruzalem, është i zemëruar dhe premton se rrjeti nuk do të mbyllë gojën. Me shumë gjasë sulmi kishte të bënte me ndikimin e medias. Ushtria e izraelit mund të jetë acaruar nga roli që kanë luajtur këto media. Por në fund të fundit, mediat po bëjnë detyrën e tyre, pa mashtrime, fallsifikime dhe pa u trembur Pamjet nuk gënjejnë. Ato tregojnë realitetin e situatës, atë cka po ndodh në rripin e Gazës. Ka sulme ajrore, ka ndërtesa të shkatërruara, dhe sot, ishte radha e zyrave të mediave Unë mendoj se ne po bëjmë detyrën tonë dhe do të vazhdojmë ta bëjmë këtë, për të sjellë ngjarjet dhe zhvillimet, si edhe për të dhënë mesazhin tonë...ne nuk do të heshtim pavarësisht përpjekjeve për të shuar zërin tonë dhe për të fikur kamerat tona Edhe presidenti i Asociated Press, tha se ai ishte i shokuar dhe i tmerruar nga sulmi duke shtuar se dhjetëra gazetarë të agjencisë dhe gazetarë të pavarur ndodheshin në zyrë, por mundën të shpëtonin. Edhe shtëpia e bardhë, që ka mbajtur një profil relativisht të ulët në përshkallëzimin më të fundit izraelito-palestinez, tha se ka paralajmëruar izraelin për rëndësinë e mbrojtjes së medias së pavarur.