Papunësia ka rënë në nivelin më të ulët historik të regjistruar ndonjëherë. Të dhënat e publikuara nga INSTAT në anketën tremujore të forcave të punës tregojnë se ajo ka rënë në nivelin 10.6 për qind, nga 11.1 për qind që ishte deri në fund të shtatorit. Gjatë tremujorit të tretë të vitit 2022, shkalla e pjesëmarrjes në forcat e punës për të rinjtë e moshës 15 deri në 29 vjeç është gati 50 për qind. Ky tregues është rritur me 1,4 pikë përqindje, krahasuar me tremujorin e tretë të vitit 2021, por është ulur me 0,4 pikë përqindje, në krahasim me tremujorin e dytë 2022.