Protesta e thirrur nga Partia Demokratike për tu mbajtur më 6 dhjetor para Kryeministrisë, është shndërruar në një arsye përplasjesh me PD, policisë së shtetit, qeverisë dhe Bashkisë së Tiranës. Kjo e fundit të dielën vendosi të refuzojë kërkesën e PD për leje për protestën e 6 dhjetorit. Sipas Bashkisë, leja nuk jepet për shkak të perimetrit të sigurisë, i vendosur për shkak të samitit BE-Ballkani Perëndimor që mbahet në të njëjtën ditë. Për këtë Bashkia propozoi sheshin ‘Skënderbej’ për këtë tubim. Por kjo është refuzuar paraprakisht nga ish-kryeministri Berisha. Ky i fundit është shprehur i vendosur që protestën ta mbajë para Kryeministrisë, përkundër faktit se ajo është brenda perimetrit të sigurisë.