Parlamenti Evropian ka miratuar më 10 shkurt (2026) ndryshime në sistemin evropian të azilit, që përfshijnë krijimin e një liste të përbashkët të vendeve të origjinës të konsideruara si të sigurta, në të gjithë BE-në. Midis shteteve të përfshira në këtë listë është edhe Kosova. Sipas rregullave të reja, vendet si Bangladeshi, Kolumbia, Egjipti, Kosova, India, Maroku dhe Tunizia do të quhen vende të sigurta të origjinës për qytetarët e tyre kur aplikojnë për azil në vendet e BE-së dhe mund të përfitojnë procedura të përshpejtuara. Vendet kandidate për në BE do të konsiderohen gjithashtu vende të sigurta origjine, përveç rasteve kur rrethanat përkatëse tregojnë ndryshe. Parlamenti Evropian ka miratuar gjithashtu rregulla që u lejojnë shteteve të BE-së të përpunojnë kërkesat për azil edhe jashtë territorit të Unionit. Rregullat e reja do të hyjnë në fuqi pas miratimit përfundimtar nga Këshilli i BEësë dhe pritet të fillojnë të zbatohen me ligj nga qershori 2026, në kuadër të reformave më të gjera të politikës së migracionit dhe azilit të BE-së.