Ashtu sic parashikuan edhe meteorologët, ulja e temperaturave dhe reshjet e dendura të shiut, do të vijojnë për disa ditë radhazi. Edhe kjo e martë nisi me reshje shiu, ku zona e veriut paraqitet më problematike. Probleme janë shfaqur në Lezhë, Shkodër, Vuan e Dejës, Malësi të Madhe e Pukë. Në qarkun Lezhë janë shfaqur probleme në disa fshatra ku ka patur ndërpreje të energjisë elektrike. Në bashkinë Mirditë, probleme janë hasur në Bukmirë, ku ka patur rrëshqitje të gurëve, gjë që ka bllokuar qarkullimin e automjeteve. Sipas banorëve të zonës, kalimi për të dërguar fëmijët e tyre në shkollë është i pamundur dhe se kjo situatë përsëritet shumë shpesh.