Kryetari i komsionit të Ligjeve Ulsi Manja i ftuar në emisionin breaking në Top neës ka folur rreth nismës së PS për shkarkimin e presidentit Meta nga detyra. Sipas tij nuk ka ende një datë zyrtare për nisjen e procedurave, pasi 4 muiaj para mbarimit të mandatit të parlamentit, nuk mund të ndërmerren nisma të tilla ligjore. Manja tha se edhe nëse parlamenti vendos shkarkimin e tij, vendimin final e merr Gjykata Kushtetuese. Ai komentoi edhe faktin se çfarë ndodh nëse Meta nuk e njeh rezultatin e zgjedhjeve të 25 prillit. “Pak rëndësi ka. Rëndësi ka që e kanë vulosur qytetarët. Procesi i votimit dhe numërimit ka qenë i qetë. Edhe pse kemi risi, është vota preferenciale, dhe rezultat janë në kohë. 25 prilli shprehu qartë vullnetin e shqiptarëve. Do të ishte krahasim absurd i atyre të drejtuesve politik, si të krahasoje natën me ditën. 74 mandate, PS rikonfirmon veten në mandatin e tretë. Qytetarët e reflektuan këtë me votë, zgjodhën qytetarinë para gjuhës së dhunës. Zgjodhën një forcë politike që sa herë ka qenë në pushtet ka treguar se është shtet-ndërtuese. PS asnjëherë nuk ka pasur në ADN e vet gjuhën e përçarjes.