Mbyllja e nënëtë pikave të postës serbe në veri të Kosovës, ka sjellë edhe reagimin e zëvëndëskryeministrit të kosovës Besnik Bislimi, i cili thotë se ky veprim ka ardhur pasi Autoriteti Rregullativ i Komunikimeve Elektronike dhe Postare ka konstatuar se operatorë ekonomikë pa licencë dhe të paregjistruar në Agjencinë për Regjistrimin e Bizneseve në Kosovë po veprojnë në territorin e Kosovës. Sipas Bislimit, policia e Kosovës ka vepruar sipas standarteve dhe në përputhje me sundimin e ligjit dhe se aktivitetet ilegale të këtij lloji nuk mund të tolerohen në Kosovë. Për këtë lëvzije, Bislimi kërkoi edhe mbështetjen e partnerëve ndërkombëtarë, duke theksuar përkushtimin e Kosovës ndaj vlerave dhe standardeve të Bashkimit Evropian, si dhe detyrimet që dalin nga Marrëveshja e Stabilizim-Asocimit