Gjatë vitit 2020 ligji për tatimin mbi të ardhurat pati disa ndryshime përsa i përket detyrimeve tatimore të të dypunësuarve. Referuar këtij ligji, të gjithë të dypunësuarit e kanë detyrim ligjor të dorëzojnë deklaratën e të ardhurave. Një tjetër risi përsa i përket të dypunësuarve është edhe rivlerësimi i tatimit mbi pagën. Janë në total 88 mijë e 590 punonjës të deklaruar në dy ose më shumë vende punë, për të cilët 30 prilli është afati i fundit i dorëzimit të deklaratës vjetore të të ardhurave. Në rast mos deklarimi të dypunësuarit gjobiten më 5 mijë lek si dhe detyrimet shoqërohen me kamatvonesa. Skema e rivlerësimit të të ardhurave të tatueshme për të dypunësuarit funksionon duke tatuar totalin e të ardhurave vjetore, që marrin punonjësit nga të gjitha burimet. Pra nëse një individ i cili më parë paguhej në dy vende pune me pagë minimale prej 30 mijë lekësh dhe nuk paguante tatim mbi pagën, sot do të paguajë për totalin prej 60 mijë lekësh një tatim fitimi 13 për qind. E njëjta gjë ndodh edhe për personat që për dy pagat kalojnë pragun e 1.5 milionë lekëve, dhe do të duhet të paguajnë 23% tatim, duke bërë që tu rriten kostot automatikisht