Dhomat e Specializuara të Gjykatës në Hagë kanë miratuar kërkesën e Mbrojtjes së ish-presidentit Hashim Thaçi për një ditë shtesë dëshmie të ish-komandantit suprem të NATO-s në Evropë, Ëesley Clark. Gjykata njofton se dëshmia e Clarkut, e cila fillon më 18 nëntor do të ketë një ditë shtesë më 21 nëntor, për të përmbyllur paraqitjen e argumenteve nga mbrojtja. Trupi Gjykues gjithashtu ka kërkuar që, nëse është e mundur dëshmia të përfundojë më herët. Clark pritet të jetë dëshmitari i fundit i Mbrojtjes së Thaçit. Procesi i mbrojtjes ka nisur më 15 shtator, kur për tri ditë me radhë u dëgjua ish-ndihmësi i sekretarit amerikan të shtetit, James Rubin. Pas tij u thirr ish-këshilltari ligjor i delegacionit shqiptar në Rambuje, Paul Ëilliams. Më pas, më 30 shtator, nisi dëshmia e James Peter Covey, ish-zëvendës i përfaqësuesit të OKB-së në Kosovë, Bernard Kouchner, e cila u përmbyll më 2 tetor 2025.