Grupi i dytë dhe i tretë i afganëve ka mbërritur në vendin tonë, dhe janë akomodur në Tiranë. Ministria e jashtme bëri me dije se avioni i dytë që u nis nga Kabuli drejt airoportit të Rinasit, mbërriti rreth orës 22:45, me 95 pasagjerë në bord, mes tyre ishin edhe 2 foshnje. Ndërkohë, rreth orës 01:15 mbërriti dhe grupi tjetër, me fluturimin nga Doha, me 59 shtetas të tjerë afganë. Ministrja e Punëve të Jashtme, Olta Xhaçka, e cila priti afganët bashkë me kryeministrin Edi Rama dhe me ambasadoren e SHBA në Tiranë, Yuri Kim, u shpreh se shumica e këtyre shtetasve janë studentë dhe gra, të cilave u rrezikohet jeta nga talibanët. Ndërkohë, dy ditë më parë, rreth orës 23:00 mbërrit avioni i pari me 121 afganë. Deri më tani në vendin tonë kanë ardhur 275 qytetarë afganë në total. Sipas burimeve zyrtare, deri tani 13 prej afganëve janë foshnje. Vendi ynë do të strehojë përkohësisht rreth 4000 afganë, të cilët do të qëndrojnë në Shqipëri deri në momentin që të pajisen me dokumentacionin e nevojshëm për të lëvizur në Shtetet e Bashkuara të Amerikës.