Vijon procesi i vaksinimit masiv në vend. Pas lajmit të fillimit të marrjes së dozës së dytë të vaksinave sputnik për të moshuarit, kryeministri Rama në një postim në facebook ka bërë me dije se në vendin tonë kanë mbërritur edhe 25 mijë doza të tjera të vaksinës SPUNTIK. “Mbërrijnë 25 mijë doza të tjera të vaksinës SPUTNIK, Ritmet e vaksinimit do të vijojnë të rriten dhe objektivi i 1/2 milionë të vaksinuarve brenda majit do të arrihet në pjesën e parë të muajit” Ndërkohë ministrja e shëndetësisë dhe mbrojtjes sociale, Ogerta Manastirliu ka deklaruar se ritmet e vaksinimit pritet të rriten në vijim. Që nga fillimi i fushatës së vaksinimit masiv kanë mbërritur 728 mijë doza të vaksinave anti covid. Prej fillimit të vaksinimit janë kryer në total 453,255 doza të vaksinës ndaj COVID19, prej të cilave 353,491 vaksinime për persona mbi 60 vjeç.