Liderët e partive kryesore politike në Kosovë, kanë nxituar të votojnë në zgjedhjet lokale në kosovë, që në orët e para të procesit duke ndarë mesazhe optimiste për vendin dhe duke bërë thirrje për pjesmarrje masive. Sipas të dhënave të KQZ, pjesëmarrja në votime ka qenë jo fort e madhe, deri në orën 13.00 ishte mbi 16 për qind. Të drejtë vote kanë patur në këto zgjedhje 2 milionë e 69 mijë e 98 votues brenda Kosovës, ndërsa rreth 44 mijë votues ishin regjistruar për të votuar nga jashtë vendit. Disa incidente janë regjistruar ndërkohë në proces, mes të cilëve dyshime për fotografim vote në Prishtinë, Podujevë dhe Drenas, ndërkohë që në disa raste të tjeraka patur mungesa emrash në lista apo ndryshim të qendrave të votimit. Procesi është ndjekur edhe nga ambasadorë të huaj në kosovë ndërkohë që institucionet dhe misionet ndërkombëtare u kanë bërë thirrje qytetarëve të votojnë lirshëm dhe pa ndikime të jashtme.