Policia e Tiranës ka vënë në pranga 4 persona dhe ka shpallur në kërkim 2 të tjerë, për kontrabandim të celularëve. Dy nga të arrestuarit janë vëllezërit Ferdinand dhe Erinin Kafeja, të cilët zotëronin 5 dyqane në kryeqytet. Ferdinand dhe Erinin Kafeja i kishin regjistruar dyqanet që ndodhen në rrugët “Hoxha Tahsim”, “Konferenca e Pezës” dhe në “Rrugën e Durrësit”, në emër të familjarëve për t’iu shmangur detyrimeve tatimore. 763 aparate celulare që dyshohet se janë të kontrabanduar janë sekuestruar gjithsej. Policia gjithashtu vuri në pranga dhe 2 administratorë të dyqaneve, Denis Myrteza dhe Izabela Buzi, ndërsa janë shpallur në kërkim administratorët e dy dyqaneve të tjera, shtetasit F. I., 37 vjeç dhe R. M., 45 vjeç.