Rakip Roli, i njohur më së shumti me emrin Pilot Roli ishte një biznesmen materialesh ndërtimi në zonën e Sanxhakut. Ai u ekzekutua me armë zjarri më 10 dhjetor 2021 në një atentat të organizuar vetëm pak metra larg banesës së tij në Sanxhak të Kurbinit. Ai u qëllua disa herë me kallash dhe si pasojë e plagëve të marra ka ndërruar jetë në vend.Roli, 55 vjeç po udhëtonte me automjetin e tij tip “Audi” ku dy persona i kanë ndërprerë rrugën dhe e kanë qëlluar me breshëri automatiku, ndërsa makina ka devijuar në kanalin kullues anash rrugës. Rakip Roli njihej si biznesmen ndërtimesh dhe ka qenë i dënuar disa vite më parë për dhunë. Ngjarja ka ndodhur në vitin 2011, ku së bashku me një person tjetër kanë dhunuar me sende të forta një 22-vjeçar, duke e plagosur rëndë pas një sherri për motive banale. Ndërkohë, dy djemtë e tij janë akuzuar për trafik droge në vitin 2017.