Pas një sërë përplasjesh me Turqinë për shkak të shkeljes së hapësirës ajorore, Greqia ka ngritur alarmin të premten se vendi që merr avionët F-35 do të jetë ai që sundon Egjeun. Këshilltari i Këshillit të Sigurisë Kombëtare në Greqi Alexandros Diakopoulos e bëri të qartë shqetësimin e Athinës në lidhje me mundësinë që Turqia të marrë 100 avionët F-35 që i ishin premtuar nisur edhe nga fakti se vendi ishte pjesë e sipërmarrjes për prodhimin e tyre. Deklarata vjen pasi Kryeministri grek Qiriakos Mitsotakis shkoi në Uashington të hënën për të vulosur marrëveshjen për blerjen e avionëve luftarakë F-35, por SHBA duket se nuk ka marrë ende një vendim.