Deri para pandemisë, investimet izraelite në Greqi ishin periferike. Por, pas rihapjes së ekonomisë globale dhe riaktivizimit të turizmit, Athina dhe Tel Avivi janë afruar ndjeshëm me një sërë marrëveshjesh, që nga ato sociale, ekonomike dhe deri ushtarake. Nxitur nga afërsia gjeografike, lidhjet kulturore dhe klima e favorshme e të bërit biznes në Greqi, investitorët izraelitë janë rritur ndjeshëm në Greqi, kryesisht në sektorin e pasurive të patundshme, shërbimet, agrobiznesin dhe mbrojten e sigurinë. Të dhënat zyrtare nga Banka e Greqisë tregojnë se investimet izraelite për 2025 ishin rreth 300 milionë dollarë, por ekspertët thonë se shifra është shumë herë më e ulët se sa realiteti. Arsyeja lidhet mënyrën e financimit, pasi investitorët izraelitë përgjithësisht investojnë kapitalin e tyre përmes rrjeteve komplekse korporative, fondesh dhe bankash me baza në Qipro, Holandë apo Luksemburg.