“Millan Radoiçiç është në njoftim të kuq, jo për shkak të krimit, por për shkak të Kosovës”, kështu ka deklaruar Presidenti i Serbisë, Aleksandar Vuçiç gjatë një konference, në lidhje me Radoiçiç, I cili ka marrë përgjegjësinë për sulmin e armatosur ndaj Policisë së Kosovës në Banjskë të Zveçanit më 2023 dhe I cili është në kërkim nga Interpoli. I pyetur nëse Radoiçiqi po ruhet nga një pjesëtar aktiv i Xhandarmërisë serbe, Vucic tha se ai nuk ka të dhëna të tilla, por nuk I mohoi të dhënat jozyrtare. Për Radoiçiç është lëshuar edhe një fletarrestim ndërkombëtar nga Interpol-i, me kërkesë të Kosovës, përmes Misionit të Kombeve të Bashkuara në Kosovë (UNMIK). Ndërsa Bashkimi Evropian shpreh pritshmërinë që autoritetet në Serbi të arrestojnë dhe të ndjekin penalisht përgjegjësit për sulmin ndaj Policisë së Kosovës në Banjskë, në veri të Kosovës, Radoiçiq në Serbi është i lirë dhe ka vendbanim të regjistruar në Beograd, ndërsa kundër tij nuk është ngritur aktakuzë.