Presidenti i Serbisë, Aleksandar Vuçiç, njoftoi të dielën se në mars të vitit 2027 do të nisë shërbimi i detyrueshëm ushtarak. Ai e bëri deklaratën gjatë një vizite për inspektimin e armatimit dhe pajisjeve në aeroportin ushtarak "Millenko Pavloviq" në Batajnicë, pranë Beogradit."Para kësaj do të fillojnë procedurat burokratike, ndërsa në mars do të fillojmë shërbimin e detyrueshëm ushtarak shumë të shkurtër. Kjo do t'i forcojë më tej kapacitetet tona mbrojtëse", tha Vuçiç i cili të shtunën njoftoi se do të japë dorëheqjen nga detyra për pak javë. Në fillim të këtij viti, Vuçiç kishte paralajmëruar se shërbimi i detyrueshëm ushtarak do të rikthehej në dhjetor 2026 ose në mars 2027, dhe se do të zgjaste 75 ditë. Futja e shërbimit të detyrueshëm ushtarak duhet ta marrë pëlqimin e Kuvendit të Serbisë. Ideja u konkretizua në janar 2024. Kroacia është nëj tjetër vend që ka votouar gjithashtu për ta kthyer shërbimin e detyrueshëm ushtarak në tetor 2025. Ndër vendet që nuk e kanë hequr shërbimin e detyrueshëm ushtarak janë Zvicra, Norvegjia, Danimarka, Finlanda, Austria, Turqia, Estonia, Greqia, Qiproja, Ukraina, Rusia dhe Bjellorusia.