Pesë shtetas u arrestuan në Patos të Fierit pasi u kapën në flagrancë duke shkëmbyer lëndë narkotike. Specialistët e narkotikëve pas informacioneve të siguruara në rrugë operative organizuan operacionin e koduar ‘ofiçina’ për të vënë në pranga trafikantët e drogës. Forcat policore zbarkuan në një lokal në fshatin Ofiçinë në Patos, në pronësi të Dardan Kamberajt, ku pesë shtetasit Fatmir Dhimos, 47 vjeç, Leonard Gropa, 50 vjeç, Ilir Nuhaj, 30 vjeç, Dardan Kamberaj, 45 vjeç dhe Simon Toska 49 vjeç, kishin përshtatur lokalin, si ambjent për mbajtjen, përdorimin dhe shitjen e lëndëve narkotike.