Kryeministri Edi Rama do të marrë pjesë në punimet e samitit botëror të klimës Cop 29 në Baku të Azerbajxhanit, ku 200 liderë të shteteve të ndyshme të botës do të diskutojnë për ndryshimet klimaterike, parandalimin e ngrohjes globale dhe pasojat e saj. Financat janë në krye të agjendës në Cop29. Vendet në zhvillim kanë nevojë për rreth një miliard dollarë në ditë vetëm për të përballuar ndikimet ekstreme të motit sipas një raporti të Programit Mjedisor të OKB-së të botuar të enjten. Ndërsa financimi i përshtatjes po rritet, nga 22 miliardë dollarë në 2021 në 28 miliardë dollarë në 2022, ndikimet vdekjeprurëse të ndryshimeve klimatike po rriten shumë më shpejt. Në Cop26 që u mbajt në vitin 2021, Pakti i Klimës vendosi një objektiv për të dyfishuar financimin e përshtatjes në të paktën 38 miliardë dollarë deri në vitin 2025. Ekzistojnë tre drejtime të financimit të klimës: ulja e emetimeve, përshtatja dhe rikuperimi i fatkeqësive. Liderët e mbledhur në Baku të Azerbajxhanit do të punojnë për të ofruar një marrëveshje financiare kuptimplotë.