Një tjetër ngjarje e rëndë me pasojë një të vrarë me armë zjarri është shënuar rreth mesnatës në fshatin Bardhaj në Shkodër. 25 vjecari emiljano ndou ka mbetur viktimë e sulmit me armë pas një konflikti banal me shtetasin Mark Kodra. 47 vjecari ka qëlluar me kallashnikov Ndoun duke e lënë të vdekur në vend ndërkohë që është future në banesënë tij. Forcat policore janë vënë në ndjekje të tij duke e prangosur brenda një kohe të shkurtër. Pasi është marrë në pyetje nga policia autori i krimit Mark Kodra ka deklaruar se 25-vjeçari kishte kohë që e mundonte duke i sjellë probleme. “Nuk e durova më. Ma kishte sjellë në majë të hundës hunda”, ka deklaruar autori në momentin e arrestimit nga policia e Shkodrës. Në fjalët e para autori ka deklaruar se viktima para se ta vriste i ka kaluar me një motor përpara shtëpisë duke bërë shumë zhurmë. 47-vjeçari ka treguar se në atë moment ka marrë armën automatik kallashnikov, ka dalë nga banesa si dhe ka qëlluar në drejtim të Emiljano Ndout duke e lënë të vdekur në vend. Sipas burimeve dyshohet se më përpara viktima ka ngacmuar vajzat e shtetasit Mark Ndou dhe se palët edhe më herët kanë debatuar për këtë çështje. Familjarët e autorit të dyshuar deklaruan se 47-vjeçari ka menduar se 25-vjeçari nuk ka vdekur ndaj është futur serish në banesë. Sipas burimeve autori ka qëndruar në shtëpi pas vrasjes dhe pranë vetes afër divanit mbante edhe armën me të cilin kreu krimin dhe nuk ka tentuar të fshihet. Në momentin kur ka mbërritur policia autori nuk ka pranuar vrasjen e kryer dhe është shfaqur i qetë.