Zyra e BE në Prishtinë ka shprehur keqardhje për vendimin e KQZ në Kosovë për të mos e certifikuar Listën Serbe për zgjedhjet e parakohshme parlamentare të 28 dhjetorit. Përmes një reagimi në FaceBooj, zyra e BAshkimit Europian shprehet se ‘politizimi I KQZ-së nga Lëvizja Vetëvendosje dhe partitë e tjera politike është i dëmshëm për procesin zgjedhor që është në përputhje me standardet ndërkombëtare dhe raportin e Misionit të BE-së për Vëzhgimin e Zgjedhjeve”. Edhe ambasadori britanik në Kosovë, Jonathan Hargreaves, u shpreh se ndihet i shqetësuar për përpjekjen e aktorëve politikë për të mos e lejuar Listën Serbe të marrë pjesë në proceset zgjedhore. Sipas tij, këto veprime ‘minojnë reputacionin e Kosovës si një demokraci shumetnike dhe dëmtojnë marrëdhëniet me partnerët e saj të ngushtë’. Reagimet erdhën pasi anëtarët e KQZ, në një mbledhje të zhvilluar të marten, nuk e certifikuan Listën Serbe, partinë më të madhe të serbëve të Kosovës. OSBE-ja theksoi se është e shqetësuar për rritjen e polarizimit politik brenda KQZ-së. Sakaq, në lidhje me vendimin reagoi edhe Ministri i Punëve të Jashtme të Serbisë, Marko Gjuriq, I cili e cilësoi si "plotësisht të papranueshëm" vendimin e KQZ-së. Kjo është hera e tretë që KQZ-ja nuk e certifikon këtë parti. Në zgjedhjet e 9 shkurtit, Lista Serbe fitoi 9 prej 10 ulëse të garantuara për pakicën serbe në Kuvendin e Kosovës. ajo fitoi të gjitha 10 komunat me shumicë serbe në zgjedhjet lokale të tetorit, duke u rikthyer në pushtet pasi i kishte braktisur institucionet e Kosovës më 2022.