Data 26 janar e vitit të ardhshëm u vlerësua si më e përshtatshmja për t’u mbajtur zgjedhjet parlamentare në Kosovë. përfaqësuesit e tre partive opozitare në takimin e mbajtur me presidenten Vjosa Osmani ranë dakord për këtë ditë. Por, po konsiderohet se ende ekziston mundësia për zgjedhje të parakohshme. "Ashtu çfarë atyre iu intereson dhe si iu konvenon më shumë, por ajo datë që është propozuar nga tri subjektet politike, që kanë peshë në parlament dhe janë subjekte parlamentare faktikisht, në qoftë se pranohet edhe nga të tjerët mendoj që do të duhej të merret në konsideratë nga presidentja e vendit me rastin e caktimit të datës dhe marrjes së vendimit për shpalljen e zgjedhjeve... 02:19 Unë mendoj që jashtë afateve kushtetuese tashmë nuk mund të veprohet dhe ne tashmë jemi brenda afateve kushtetuese dhe ligjore, ato thonë që zgjedhjet duhet të caktohen nga presidentja e vendit në konsultim me subjektet politike paraprakisht. Më së hershmi gjashtë muaj para afatit për tu mbajtur zgjedhjet dhe katër muaj më së voni”, thotë Baraliu. Mazllum Baraliu e quan papërgjegjësi dhe shkarje mospjesëmarrjen e partisë në pushtet LëvizjesVetëvendosje në takimin e mbajtur mes krerëve të partive opozitare dhe presidentes Osmani. Por analisti politik, Fidan Ukaj e konsideron taktikë të kryeministrit Kurti për të shkuar në zgjedhje të parakohshme në nëntor të këtij viti.