Komisioni Qendror i Zgjedhjeve në Kosovë ka miratuar listën e votuesve për raundin e dytë të zgjedhjeve për kryetarë komunash. Proces që do të zhvillohet në 18 komuna ku pati balotazh mes kandidatëve. Kështu në Gakovë, Gjilan, Dragash, Kaçanik, Klina, Fushë Kosovë, Mitrovicë e Jugut, Obiliq, Rahovec, Pejë, Prishtinë, Prizrenë, Suharekë, Viti, Vushtrri, Junik, Mamushë dhe Kllokoti do të ketë sërish garë elektorale m 9 nëntor. Sipas vendimit të KQZ-së, për këtë raund do të jenë 1 158 015 fletëvotime – rreth 16 % më pak se numri i përgjithshëm i qytetarëve me të drejtë vote në këtë raund. “Ky numër përfshin fletëvotimet për: vendvotimet e rregullta, votimin me kusht, personat me nevoja të veçanta, fletëvotimet rezervë dhe votimin me postë”, thuhet në njoftimin e KQZ-së, pas mbledhjes së mbajtur. Për zgjedhjet e rundit të parë u vulos fati për 20 komuna, pasi kandidatët fiutuan me shumicë të cilësuar. Nga komunat me shumicë serbe, vetëm në Kllokot do të ketë rund të dytë, ndërsa në nëntë të tjerat ka fituar Lista Serbe, partia më e madhe e serbëve të Kosovës, e cila ka mbështetjen e Beogradit.