Deputeti i Lidhjes Demokratike të Kosovës, Avdullah Hoti, ka ngritur shqetësime për gjendjen ekonomike dhe institucionale në vend, duke renditur disa zhvillime që sipas tij po ndikojnë negativisht në jetën e qytetarëve dhe në funksionimin e shtetit. Ai tha se inflacioni po vazhdon të gërryejë të ardhurat e familjeve në Kosovë dhe se edhe gjatë muajit të fundit është rritur. Nga muaji dhjetor 2024, kur ka mbaruar mandati i legjislaturës 2021–2025, nuk ka mbikëqyrje parlamentare të qeverisë dhe institucioneve të tjera që i japin llogari Kuvendit. As raportet e auditorit për buxhetin e vitit 2024 nuk janë shqyrtuar ende. Kreditimi i familjeve, si dhe i bujqve, me shuma relativisht të vogla dhe norma të larta interesi është rritur, që është shenjë e mungesës së të ardhurave për shpenzime të zakonshme dhe të përditshme. Sipas tij, qytetarët mund të përballen edhe me rritje të re të tarifave të energjisë elektrike, ndërsa kritikoi edhe ngecjen e projekteve të mëdha infrastrukturore. Kreditimi i familjeve, si dhe i bujqve, me shuma relativisht të vogla dhe norma të larta interesi është rritur, që është shenjë e mungesës së të ardhurave për shpenzime të zakonshme dhe të përditshme. Në mungesë të politikave fiskale dhe industriale, importet vazhdojnë të rriten pa asnjë orientim se si të zëvendësohen, së paku të mallrave elementare. Në fund, Hoti theksoi se Kosova, së bashku me Shqipërinë, kryesojnë në rajon për përqindjen e popullsisë që emigron.