Një pjesëtar I policisë së Kosovës u arrestua nga autoritetet kosovare në pikën e kalimit kufitar të Jarinjës, nën akuzën e importit të paautorizuar të municionit dhe mbajtjes së amrëve dhe materialeve shpërthyese. Unifomrat blu të Kosovës nuk dhanë detaje mbi emrin e të ndaluarit ndërsa sqaruan se ai u prangos të shtunën në mëngjes dhe se po mbahet në paraburgim. Policia e Kosovës sqaroi se në veturën e efektivit serb u gjetën 51 fishekë, 9.900 euro dhe 26.000 dinarë serbë. “Nga i dyshuari janë sekuestruar dokumente personale si kartela e identifikimit së bashku me distinktivin e Policisë së Serbisë, kartelën e sindikatës së Policisë Serbe, letërnjoftimi i Serbisë dhe Kosovës, pasaporta e Serbisë, një palë spaleta të uniformës, një palë dorëza dhe një USB”, deklaroi policia e Kosovës. Ndalimi I tij u bë diusa muaj pasi Kosova dëboi nga vendi dy pjesëtarë të Ministrisë së Punëve të Brendshme të Serbisë, nën dyshimin për cenim të sigurisë kombëtare, si dhe ua ndaloi hyrjen për pesë vjet në qershor. Ndërkohë edhe Serbia nga ana tjetër ka arrestura policing Arbnor Spahiu, i cili po mbahet në qytetin verior të Serbisë, Suboticë, që nga 9 qershori me akuzën se ka kryer vrasje të rëndë në Banjskë, edhe pse auroritetet e kosovës kanë thënë se ai gjatë kësaj kohe nuk ka qenë pjesëtar I policisë.