Ushtria izraelite tha se ka bombarduar shtëpinë e një lideri politik të grupit militant Palestinez, Hamas, në kuadër të sulmeve ajrore mbi Rripin e Gazës. Ajo publikoi një video, të një bombe që tha se shpërtheu në shtëpinë e Yehiya Sinëar, lideri i grupit në territor. Sulmet ajrore izraelite në Gaza vranë të paktën dy palestinezë mëngjesin e të dielës, në ditën e shtatë të luftimeve. Militantët hodhën më shumë raketa në Izrael duke bërë që njerëzit ti drejtoheshin bunkerëve për strehim. Kryeministri izraelit, Benjamin Netanyahu ndërkohë ka premtuar se do të vazhdojë të përgjigjet me forcë ndaj sulmeve të raketave, në mesin e apeleve të komunitetit ndërkombëtar për ti dhënë fund përshkallëzimit të konfliktit. Një takim i këshillit të sigurimit të kombeve të bashkuara do të mbahet gjatë ditës. Presidenti amerikan, joe Biden, i telefonoi Netanyahut dhe presidentit palestinez Mahmoud Abbas, për të shprehur shqetësimin për situatën. Që kur luftimet filluan të hënën të paktën 141 persona janë vrarë në gaza, përfshirë 39 fëmijë dhe 22 gra, sipas ministrisë së shëndetësisë të kontrolluar nga Hamasi. Izraeli thotë se dhjetëra militantë janë mes të vdekurve. 10 persona, mes tyre edhe dy fëmijë, janë vrarë nga sulmet e militantëve mbi izrael – thonë zyrtarët. Sipas zyrtarëve izraelitë, rreth 120 raketa u lëshuan nga militantët në gaza në izrael gjatë natës dhe nuk kishte raporte për të lënduar rëndë. Të shtunën, ushtria izraelite ndërkohë hodhi në erë një pallat në qytetin e Gaza-s të përdorura nga mediat ndërkombëtare, mes të cilave associated press dhe al xhazira, pasi më herët ishin lëhsuar paralajmërime për evakuimin.