Gjashtë vite pasi deputetët ngritën kartonat jeshilë për kuadrin e ri ligjor të gjyqësorit; shefat e drejtësisë së re kërkojnë më shumë kompetenca dhe pavarësi në ushtrimin e detyrës. E pyetur nga Top Neës, deputetja Klotilda Bushka deklaroi se nuk ka ende një draft të ndryshimeve ligjore por vetem analiza që bazojnë kërkesat për ndryshime ligjore me qëllim përmiresimin e funksionalitetit të sistemit, plotësimin e vakancave më shpejt, dhe uljen e backlogut. Komisioni i Ligjeve ka ngritur nje grup teknik pune që po punon së bashku me ekspertë dhe OPDAT të Shteteve të Bashkuara të Amerikës dhe delegacionin e Bashkimit Europian në Tiranë. Mësohet se teksa mandatit të kreut të SPAK, Arben Kraja po i vjen fundi, Kuvendi është duke shqyrtuar kërkesën e tij, depozituar në prill të vitit 2021. Kraja kërkon mundesine e rikandidimit duke kerkuar amendim të ligjit “Për organizimin dhe funksionimin e institucioneve për të luftuar korrupsionin dhe krimin e organizuar” ku futet dhe organi i drejtesise qe ai drejton.