“Një fëmijë sot është në spital, me gjymtyrë të dëmtuara, për faj të dikujt. Kështu që dikush këtu duhet të marrë përgjegjësi”, kështu ka deklaruar ministri për Punë dhe Familje në Kosovë, Andin Hoti, pasi ka pranuar raportin final për trajtimin e rastit të familjes së pesëvjeçarit nga Janjeva e Lipjanit nga ana e Qendrës për Punë Sociale. Ministri konfirmoi se në gjetjet e këtij raporti, konstatohet se në këtë rast është fajtore Qendrës për Punë Sociale, por edhe institucione të tjera, prandaj paralajmëroi masa ndëshkuese për të gjithë që janë evidentuar për mostrajtim të duhur të rastit. Rasti I 5 vjeçarit nga Lipjani, tronditi vendin një muaj më parë. Për shkak të keqtrajtimit nga prindërit, I mituri mori trajtim mjekësor në Kujdesin Intensiv Pediatrik. Ndaj prindërve është caktruar masa e paraburgimit, ndërsa gjashtë fëmijët të kësaj familje janë marrë nën përkujdesje nga Qendra për Punë Sociale të Lipjanit.