Shqiptarët janë ndër më këmbëngulësit kur vjen puna për të siguruar një kërkesë azili në vendet e Bashkimit Europian. Sipas të dhënave të Eurostat, 9 për qind e shqiptarëve që u dëbuan nga një vend anëtar i unionit vitin e kaluar aplikuan brenda viti për azil në një vend tjetër anëtar. Në total, numri i shqiptarëve të dëbuar është rreth 26 mijë, që përkthehet në pak më shumë se 2400 shtetas shqiptarë që kanë aplikuar për azil për herë të dytë brenda të njëjtit vit në dy vende të ndryshme të BE-së.