Marka e karburanteve Shell tashmë do të hyjë dhe në Shqipëri. kompania Kastrati Group dhe Coral S.A dhe Coral Sh.a., nënshkruan një marrëveshje bashkëpunimi për të futur tregun shqiptar rrjetin e markës Shell. Sipas marrëveshjes, 35 pika karburanti të Kastratit do të kthehen në Shell duke nisur nga viti 2025. Në emër të Kastrati Group Sh.a, Ardit Kastrati tha se ky është një zhvillim i rëndësishëm për sektorin shqiptar të energjisë. Ky partneritet, sipas tij, do të sjellë markën Shell tek shqiptarët, duke ju ofruar atyre një gamë më të gjerë të shërbimeve dhe produkteve të karburanteve. Rrjeti Shell do t’u ofrojë klientëve shqiptarë portofolin e Shell te karburanteve me cilësi të lartë, lubrifikantët dhe shërbime te tjera. Stacionet e karburanteve Shell në Shqipëri do të ofrojnë karburantet Shell V-Poëer, të cilat përmbajnë 99% të të njëjtëve përbërës që gjenden në karburantin V-Poëer të Shell që përdoren nga makinat e Scuderia Ferrari gjatë garave në pistë. Kastrati Group Sh.a është një nga markat më me reputacion në Shqipëri, në industri të ndryshme. Me një prezencë në sektorë si tregtimi i karburanteve, turizmi dhe hoteleria, sigurimet dhe shërbimet financiare, infrastruktura, ndërtimi, dhe tregtia me pakicë, Kastrati Group ka luajtur një rol të rëndësishëm në nxitjen e rritjes dhe zhvillimit ekonomik në Shqipëri. Për më shumë se 30 vjet, grupi ka ndërtuar një reputacion të fortë përmes investimeve strategjike, partneriteteve të forta dhe fokusimit në kënaqësinë e klientit.