Qëndrimi që mbajti PD në Konferencën e Kryetarëve, duke e bojkotuar me pretendimin se deputetëve nuk u është vënë në dispozicion projektbuxheti i vitit 2027, mbërriti edhe në seancë plenare. Sesioni i kësaj të enjteje nisi me tensione, pasi deputetët e opozitës bllokuan foltoren e Kuvendit. Kreu i PD-së, Sali Berisha, mori fjalën dhe, duke iu referuar protestës, deklaroi se deputetët e mazhorancës meritojnë plumbat e gomës dhe kafkat e thyera. Por, fjala e tij u ndërpre shpejt nga kreu i Kuvendit, Niko Peleshi. Efekt Seanca u ndërpre për herë të dytë, pasi deputetët demokratë refuzuan të lironin foltoren. Gjatë pushimit, situata u tensionua më tej, kur deputetët e PD-së, Blendi Himçi dhe Gerta Bardeli, tentuan të ngjiteshin në shkallët për t’iu afruar kryetarit të Kuvendit, por u ndaluan nga Garda.