Tashmë që fushata zgjedhore është në kulmin e saj, të gjithë pjesëmarrësit në të, kandidatë apo subjekte politike janë duke bërë llogaritjen parapraka se ku janë me votat e mundshme që mund të fitojnë, apo sa mbështetje gëzojnë në elektorat. Por ndërsa kandidatët e partive kryesore dhe sidomos ata që janë renditur të vendet e para në listë, e kanë të sigurtë mandatin e deputetit edhe për shkak të votave të elektotarit besnik, ndryshon puna për kandidatët e partive të vogla. Subjektet e vogla politike, as ligji zgjedhor nuk i favorizion ndaj, këmbënglulja e drejtuesve të tyre tyre sidomos në kampin e opozitës, ishte përfshirja në renditje të sigurtë në listën e PD. Por nga ana tjetër, edhe pse e dinë mirë peshën që kanë në elektorat, partitë e vogla, depozituan lista shumëemërore kandidatësh thuajse të plota, pra me numër të përafërt me mandatet që dalin në një qark të caktuar. Edhe pse secili kandidat do të ketë një numër të caktuar në fletën e votimit dhe zgjedhësit dhe mbështetësit e tij do e kenë të qartë për kë do votojnë, kjo nuk ndryshon gjë në garë në favor të tyre. Pra roli i kandidatëve të partive të vogla është modest, dhe më shumë i shërben grumbullimit dhe maksimizimit të votave për partinë, sesa fitores individuale. Edhe pse në listat e subjekteve të vogla ka emra kandidatësh që janë personalitete në fusha të ndryshme, gara e ashpër në këto zgjedhje ka ulur ndjeshëm mundësinë e tyre për të marrë një mandat. përjashtim bëjnë disa figura që në vite kandidojnë në të njëjtat zona, dhe kanë lëvizur nga një subjekt në tjetrin. Por ende gëzojnë mbështetje dhe kanë një elektorat që i mbështet në mënyrë të vazhdueshme, pavarësisht se më cilën parti garojnë.