Një grup hetuesish në Gjermani janë duke kontrolluar me imtësi postën elektronike të kancelarit Olaf Scholz gjatë kohës kur ai mbante detyrën e kryetarit të Bashkisë së Hamburgut, në kuadër të një hetimi mbi një skandal financiar. Sipas mediave gjermane, gjykata e qarkut të Këlnit ka lëshuar një urdhër për kontrollin e adresës zyrtare të postës elektronike të Shoclz kur ai drejtonte Hamburgun, për të zbardhur më shumë detaje në lidhje me këtë hetim. Gjithçka bëhet në kuadër të hetimeve mbi skandalin e njohur si “Cum-ex”, me prokurorët që po përpiqen të zbardhin se si ka ndikuar klasa e atëhershme politike, në nëntor të 2016-s, për të hequr dorë nga një kërkesë financiare tatimore me vlerë 47 milionë euro në dëm të bankës Ëarburg. Në fokus të hetimit është edhe deputeti i SPD-së, Johannes Kahrs, por edhe politikanë të tjerë, të cilët dyshohen për favorizim të evazionit fiskal.