Top News – Kalon rreziku nga zjarret në Korçë / Në Vithkuq e Gjonomadh situata nën kontroll të plotë

Janë vënë nën kontroll thuajse të plotë dy vatrat e zjarreve në Vithkuq dhe Gjonomadh në zonën e Korçës. Po ashtu behet e ditur se edhe vatrat e zjarrit që ranë në Krushovë dhe Mokërr gjatë së hënës pasdite janë izoluar falë ndërhyrjes së shpejtë të punonjësve dhe të banorëve të zonës. Këto vatra zjarresh po mbahen nën mbikqyrje për të mos patur më riaktivizim të flakëve. Ndërhyrja në të gjitha vatrat e zjarreve është bërë me mjete rrethanore, kazma, lopata, për shkak se ndërhyrja përmes tokës nga zjarrfikëset ishte e pamundur për shkak të terrenit të vështirë.