Sinjali i internetit është bërë shkak për ndërprerjen e seancës së radhës ndaj Dritan Dajtit në Gjykatën e Elbasanit. Ndonëse në seancën e kryesuar nga Magjistratja Suela Lika mungoi përfaqësuesi i Burgut të Peqinit, gjykatësja vendosi vijimin e saj pavarësisht mungesës për shqyrtimin e provave të reja të paraqitura nga kërkuesi Dritan Dajtit i cili ishte i pranishëm zakonisht nëpërmjet vidiokonferencës. Teksa Dajti kërkoi që në fillim të seancës revokimin e një vendimi të ndërmjetën të dhënë kohë më parë, seanca nuk zgjati më shumë se 37 minuta, kjo për shkak të bllokimit të sinjalit të internetit. Vijimi i seancës ishte i pamundur për një kohë të shkurtër nëpërmjet vidiokonferencës me Dritan Dajtin. Avokati Alban Qafa ndërkaq ka akuzuar për mungesë korrektësie të komunikimit shkresor të Burgut të Peqinit me kërkuesin, mbrojtjen dhe Gjykatën. Dajti pretendon se dinamika e vuajtjes së dënimit prej tij e paraqitur në Gjykatë nga IEVP Peqin nuk është llogaritur saktë. Po ashtu Dajti kërkoi që përveç regjistrimit Audio, procesi duhet të shoqërohet edhe me rregjistrimin. Gjykata theksoi se kërkesa e tij aktualisht është e pamundur të realizohet teknikisht, teksa bëri të ditur se një gjithë e tillë është në projektet e KLGJ, që të gjitha seancat të jenë të pajisura me regjistrim audio dhe video.