Policia e Tiranës ka nisur hetimet për një 20-vjeçar që dyshohet se ofronte para të falsifikuara, përmes platformës Tik- Tok dhe i shpërndante përmes postës. Bëhet fjalë për Bjorn Belerin, I cili hapi një llogari të quajtur ‘euro false’, për aktivitetin e tij. Në pakon me euro të porositura në telefon, Policia gjeti prerje të ndryshme të mbështjella në një kapak libri të emërtuar ” historia e gjuhësisë” Ndonëse Posta që dërgoi paratë false nga Vlora në Bulqizë u kthyen pas, grupi i hetimit arriti të identifikonte dhe të kaptë të dyshuarin. Mirëpo, 20-vjeçari pretendon se nuk është ai prodhuesi i eurove false. “I porosita në internet tek një shtetas që nuk e njoh dhe desha ti përdor për të luajtur poker me miqtë e mi, në vend të fishave që ndanim, por më pas këto para mi kërkuan dhe nuk ja fsheha faktin që ishin false dhe pa e menduar ja nisa me postë”, thotë I dyshuari në dosjen që iu tregua TCH. Gjykata e la të lirë me arsyetimin se nuk ka rrezikshmëri shoqërore. Nga kqyrja e telefonit të të dyshuarit, u zbulua se administrator i platformës euro false ishte i riu. Ai shiste euro false duke nisur nga shitja e 3500 eurove për 200 euro, 1 mijë euro për 100 euro dhe sugjeronte që dërgesat të kryheshin me furgonë.